|
  | | Subjunksjonal
Bokmål | Nynorsk
Ny side 1
| Setningsleddet subjunksjonal har fått namnet sitt
etter
ordklassen subjunksjonar. Det er først og fremst
ord frå denne ordklassen som kan ha oppgåva det handlar om.
Subjunksjonal er innleiingsledd i
leddsetningar og ledd-delsetningar. Det vil seie at
setningane dei innleier, er ein del i ei anna setning eller
står som tillegg i
ein frase. |
I eksempla nedanfor er subjunksjonal markert med grøn kursiv skrift:
-
 Sidan
du liker å syngje, kan du vere forsangar på klassefesten i dag.
-
Eg lurte på
om du kunne hjelpe meg med leksene.
-
At
du hadde kjærast, var det ingen som visste om.
-
Vi les for å
lære.
-
Læraren, som
kom for seint til timen, fekk merknad av elevane.
|
|
|
|
|
